۔
جوہانسبرگ: وزیر اعظم نریندر مودی نے اتوار کو یہاں جنوبی افریقہ کے صدر سیرل رامافوسا سے ملاقات کی اور مختلف شعبوں میں دونوں ممالک کے درمیان شراکت داری اور تعاون کا جائزہ لیا۔
مسٹر مودی، جو یہاں 20ویں جی 20 چوٹی کانفرنس میں شرکت کے لیے آئے ہیں، نے چوٹی کانفرنس کے موقع پر جنوبی افریقہ کے صدر کے ساتھ دو طرفہ میٹنگ کی۔ میٹنگ کے بعد ایک سوشل میڈیا پوسٹ میں مسٹر مودی نے میٹنگ کی تفصیلات شیئر کیں۔ انہوں نے مسٹر رامافوسا کو جی 20 کی کامیاب صدارت پر بھی مبارکباد دی۔
