۔
لکھنؤ: اتر پردیش کے وزیر اعلی یوگی آدتیہ ناتھ کی صدارت میں منگل کو لوک بھون میں کابینہ کی میٹنگ ہوئی، جس میں 20 تجاویز کو منظوری دی گئی۔ محکمہ سیاحت ایودھیا میں عالمی معیار کا مندر میوزیم تیار کرے گا۔
اتر پردیش کے کابینہ وزیر سریش کھنہ نے ایک پریس کانفرنس کے دوران بتایا کہ ایودھیا میں عالمی معیار کا مندر میوزیم بنانے کی تجویز بھی کابینہ کے سامنے رکھی گئی ہے۔ اتر پردیش حکومت کی کابینہ کی آئندہ میٹنگ میں مختلف محکموں سے متعلق اکیس تجاویز پر تبادلہ خیال کیا گیا، جن میں سے 20 کو منظوری دی گئی۔
مسٹر کھنہ نے کہا کہ ٹاٹا اینڈ سنز کو ایودھیا میں 25 ایکڑ زمین دی گئی تھی، لیکن انہیں مزید زمین کی ضرورت ہے۔ 52.102 ایکڑ نزول زمین ایک معاہدے کے تحت دی جائے گی۔ اس معاہدے کا مقصد ہندوستانی فن تعمیر کو فروغ دینا ہے۔
