۔
برسبین: مائیکل نیسر (پانچ وکٹوں) کی قیادت میں آسٹریلیا نے دوسرے ایشز ٹیسٹ کے چوتھے دن اتوار کو انگلینڈ کو دوسری اننگز میں 241 رنز پر آؤٹ کر دیا اور 10 اوورز میں 65 رنز کا ہدف آٹھ وکٹوں سے جیت کر پانچ میچوں کی ٹیسٹ سیریز میں 2-0 کی برتری حاصل کر لی۔ مچل اسٹارک کو ان کی شاندار کارکردگی پر پلیئر آف دی میچ کا ایوارڈ دیا گیا۔
جیک ویدرولڈ اور ٹریوس ہیڈ کی جوڑی نے آسٹریلیا کی دوسری اننگز کا آغاز 65 رنز کے ہدف کے ساتھ کیا اور ٹیم فتح کی جانب بڑھ رہی تھی کہ گس ایٹکنسن نے چھٹے اوور میں ٹریوس ہیڈ کو بولڈ کرکے انگلینڈ کو پہلی کامیابی دلائی۔ ٹریوس ہیڈ نے 22 گیندوں پر 22 رنز بنائے جس میں دو چوکے اور ایک چھکا شامل تھا۔ آٹھویں اوور میں، گس اٹکنسن نے مارنس لیبوشگن (3) کو آؤٹ کر کے اپنی دوسری وکٹ حاصل کی۔ اس کے بعد بیٹنگ کے لیے آئے کپتان اسٹیو اسمتھ نے جیک ویدرولڈ کے ساتھ محتاط انداز میں کھیلتے ہوئے اپنی ٹیم کو 10 اوورز میں 2 وکٹوں کے نقصان پر 69 رنز تک لے کر آٹھ وکٹوں سے کامیابی حاصل کی۔ اسمتھ نے ایٹکنسن کی گیند پر چھکا لگا کر اپنی ٹیم کو فتح دلائی۔ اسمتھ نے نو گیندوں میں ناقابل شکست 23 رنز بنائے۔ جیک ویدرولڈ نے 23 گیندوں پر 17 رنز کی ناقابل شکست اننگز کھیلی۔ انگلینڈ کی جانب سے گس اٹکنسن نے دو وکٹیں حاصل کیں۔
