۔
پیانگ یانگ، چین کے صدر شی جن پنگ اور شمالی کوریا کے صدر کم جونگ ان نے منگل کو اس بات پر اتفاق کیا کہ دونوں ممالک اپنی روایتی دوستی کو نسل در نسل آگے بڑھائیں گے۔
چین-شمالی کوریا فرینڈشپ ٹاور پر خراج عقیدت پیش کرنے کے بعد مسٹر کم اور مسٹر جن پنگ نے کہا کہ وہ وقت جب چین اور شمالی کوریا نے 1950 کی دہائی میں ایک ساتھ جنگ لڑی تھی وہ دونوں ممالک کے لیے مشترکہ اور ناقابل فراموش یاد ہے۔
اس دوستی کو مزید مضبوط کرنے کے لیے، مسٹر ژی اور مسٹر کم نے "امریکی جارحیت کے خلاف مزاحمت" کے جذبے کو زندہ رکھنے اور اسے اپنے نوجوانوں میں ابھارنے کا مشترکہ عہد کیا ہے۔
قبل ازیں چینی صدر نے اپنی اہلیہ پینگ لی یوان کے ہمراہ پیانگ یانگ میں چین شمالی کوریا فرینڈ شپ ٹاور کا دورہ کیا اور چینی شہداء کو خراج عقیدت پیش کیا۔ اس موقع پر مسٹر کم اور ان کی اہلیہ ری سول جو کو بھی ان کے ساتھ دیکھا گیا۔
دورے کے دوران، مسٹر ژی اور مسٹر کم نے ورکرز پارٹی آف کوریا کے سینٹرل کیڈرس ٹریننگ اسکول کا بھی دورہ کیا، جہاں دونوں رہنماؤں نے مشترکہ طور پر دیودار کا درخت لگایا۔ انہوں نے کہا کہ یہ درخت چین اور شمالی کوریا کے درمیان لازوال اور ہمیشہ مضبوط دوستی کی علامت ہے۔
