ڈھاکہ، بنگلہ دیش: نئی حکومت کی تقریب حلف برداری میں بھارتی وزیر اعظم نریندر مودی اور پاکستانی وزیر اعظم شہباز شریف سمیت 10 سے زائد غیر ملکی مندوبین کو مدعو کیے جانے کا امکان ہے۔ بنگلہ دیشی اخبار ڈیلی سٹار نے اتوار کو بنگلہ دیش نیشنلسٹ پارٹی (بی این پی) اور عبوری حکومت کے اندر ذرائع کے حوالے سے یہ اطلاع دی۔
رپورٹ میں وزارت خارجہ کے ایک اہلکار کے حوالے سے بتایا گیا ہے کہ عبوری حکومت نے حلف برداری کی تقریب میں جنوبی ایشیا اور چین سمیت دیگر ایشیائی ممالک کے 12 سے زائد مندوبین کو مدعو کیا ہے۔ رپورٹ میں بی این پی کے جوائنٹ سیکرٹری جنرل برائے بین الاقوامی امور ہمایوں کبیر کے حوالے سے کہا گیا ہے کہ بی این پی حکومت باہمی فائدے اور احترام کے لیے بھارت اور دیگر ممالک کے ساتھ تعلقات کو بہتر بنائے گی۔