۔

کیف: روس نے جمعرات کی علی الصبح یوکرین کے دارالحکومت کیف پر ایک زبردست میزائل اور ڈرون حملہ کیا جس کے نتیجے میں کم از کم آٹھ افراد ہلاک اور 25 زخمی ہو گئے۔

کیف ملٹری ایڈمنسٹریشن کے چیف تیمور تاکاچینکو نے بتایا کہ حملوں میں کئی رہائشی علاقوں کو نشانہ بنایا گیا اور اس میں بچوں سمیت اہم شہری ہلاکتیں ہوئیں۔ حملے کے بعد شہر کے کئی علاقوں کو خالی کرا لیا گیا۔ انہوں نے الزام لگایا کہ روسی فوج نے ایک بار پھر جان بوجھ کر رہائشی علاقوں کو نشانہ بنایا جس سے بڑے پیمانے پر تباہی ہوئی اور متعدد عمارتوں کو نقصان پہنچا۔

حکام کو خدشہ ہے کہ حملے میں ہلاک اور زخمی ہونے والوں کی تعداد بڑھ سکتی ہے۔ یہ حملہ یوکرین کے صدر ولادیمیر زیلنسکی کے انتباہ کے چند گھنٹے بعد ہوا ہے کہ روس بڑے پیمانے پر حملے کی تیاری کر رہا ہے۔

حملے کے دوران کیف میں فضائی دفاعی نظام فعال رہا۔ ایئر ڈیفنس ٹریسر فائر آسمان پر دکھائی دے رہا تھا جبکہ ڈرونز، کروز میزائل اور بیلسٹک میزائلوں سے ہونے والے دھماکوں کی آواز شہر بھر میں سنی گئی۔ شہر کے مختلف علاقوں میں کئی مقامات پر آگ بھڑک اٹھی۔