کیف، برطانوی وزیر اعظم کیئر اسٹارمر نے یوکرین کے لیے اپنے ملک کی حمایت کو "غیر متزلزل" قرار دیتے ہوئے کہا کہ برطانیہ نہ صرف یوکرین بلکہ پورے یورپ کی سلامتی کے لیے یوکرین کے ساتھ مضبوطی سے کھڑا رہے گا اور بین الاقوامی حمایت کو متحرک کرنے میں قائدانہ کردار ادا کرتا رہے گا۔
کیف پہنچنے پر یوکرین کے صدر ولادیمیر زیلنسکی سے ملاقات سے قبل مسٹر سٹارمر نے جمعرات کو کہا کہ یوکرائنی عوام کی ہمت اور لچک نے روس کے مکمل حملے کے بعد پورے یورپ کی سلامتی کو برقرار رکھنے میں اہم کردار ادا کیا۔ انہوں نے کہا، "یوکرین کے لیے برطانیہ کی غیر متزلزل حمایت ہمیشہ جاری رہے گی۔ یہ نہ صرف یوکرین اور یورپ کی سلامتی کے لیے اہم ہے، بلکہ ان برطانوی خاندانوں کے لیے بھی جو اس جنگ کی وجہ سے بڑھتی ہوئی مہنگائی کا شکار ہوئے ہیں۔"