ممبئی، ہندوستانی سنیما کی سب سے زیادہ متوقع فلموں میں سے ایک "ٹاکسک: اے فیری ٹیل فار گراؤن اپس" کا نیا پوسٹر جاری کر دیا گیا ہے۔ پوسٹر میں یش کے کردار، رایا کا ایک سلیویٹ دکھایا گیا ہے، جس کے پاس ٹومی بندوق ہے۔ پوسٹر فلم کی پراسرار اور عظیم الشان دنیا کی ایک جھلک پیش کرتا ہے، لیکن پھر بھی کہانی کے اہم پہلوؤں کو پوشیدہ رکھتا ہے۔ پہلے ریلیز کیے گئے پوسٹرز اور ٹیزرز کی طرح اس نئے پوسٹر نے بھی سوشل میڈیا پر ہلچل مچا دی ہے، شائقین کہانی اور رایا کے سفر کے بارے میں قیاس آرائیاں کر رہے ہیں۔
فلم کا ٹریلر لانچ یش اور کے وی این پروڈکشن کی آبائی ریاست بنگلورو میں ہوگا۔ 8 اگست اس لیے بھی خاص ہے کیونکہ یہ فلم کی شوٹنگ شروع ہوئے دو سال کا دن ہے۔
کنڑ اور انگریزی میں بیک وقت شوٹ کی گئی یہ فلم ہندی، تیلگو، تامل اور ملیالم میں بھی ریلیز ہوگی۔ کے وی این پروڈکشنز اور مونسٹر مائنڈ کریشنز کے بینر تلے تیار ہونے والی یہ فلم 26 اگست 2026 کو دنیا بھر کے سینما گھروں کی زینت بنے گی۔
گیتو موہن داس کی ہدایت کاری میں بننے والی اس فلم میں یش کے ساتھ نینتھارا، کیارا اڈوانی، تارا ستاریا، رکمنی وسنت اور ہما ​​قریشی مرکزی کردار ادا کر رہے ہیں۔