ممبئی: ملیالم سپر اسٹار موہن لال کی انتہائی متوقع فلم "L367" کے آفیشل ٹائٹل کا اعلان کر دیا گیا ہے۔ نیشنل ایوارڈ یافتہ ہدایت کار وشنو موہن کی ہدایت کاری میں بننے والی اس فلم کا نام ’آپریشن گنگا – ایک قوم کا وعدہ‘ ہے۔

فلم کی کہانی ہندوستان کے تاریخی ریسکیو مشن "آپریشن گنگا" پر مبنی ہے، جو روس-یوکرین جنگ شروع ہونے کے بعد یوکرین میں پھنسے ہوئے ہندوستانی شہریوں بالخصوص طلباء کو بحفاظت واپس لانے کے لیے شروع کیا گیا تھا۔ فلم اس بہادر مشن کی کہانی کو بڑے پردے پر پیش کرے گی۔

فلم میں موہن لال مرکزی کردار ادا کریں گے، ان کے ساتھ ارجن رامپال، بھاگیہ شری بورسے، عادل حسین اور پارتھیبن اہم کرداروں میں ہیں۔

فلم کی تکنیکی ٹیم میں سنیماٹوگرافر میروسلاو کوبا بروزیک، پروڈکشن ڈیزائنر راجیوین، اور ایکشن ڈائریکٹر سی ینگ اوہ شامل ہیں، جنہوں نے "پشپا" اور "پشپا 2" کی ہدایت کاری کی تھی۔ شاشوت سچدیو موسیقی ترتیب دے رہے ہیں، جب کہ شمیر محمد ایڈیٹنگ اور بِسوادیپ چٹرجی ساؤنڈ ڈیزائن سنبھال رہے ہیں۔ کے وی سنجیت وی ایف ایکس کے ذمہ دار ہیں۔ 'آپریشن گنگا' کو سری گوکلم موویز کے بینر تلے گوکلم گوپالن پروڈیوس کررہے ہیں۔ بیجو گوپالن اور وی سی پروین شریک پروڈیوسر ہیں، جبکہ کرشنامورتی ایگزیکٹو پروڈیوسر ہیں۔ فلم کی ٹیم میں کئی تجربہ کار تکنیکی ماہرین بھی شامل ہیں جن میں فوجی مشیر سکواڈرن لیڈر ورلن پنوار بھی شامل ہیں۔

فلم میں بھارت کے ایک اہم اور کامیاب ریسکیو آپریشن کی کہانی کو ناظرین کے سامنے لانے کی کوشش کی گئی ہے۔