کابل، اتوار کی رات مشرقی افغانستان میں آنے والے زبردست زلزلے میں مرنے والوں کی تعداد 1124 ہو گئی ہے۔ اس قدرتی آفت میں 3,251 زخمی ہوئے ہیں۔ افغان ہلال احمر سوسائٹی نے منگل کو یہ اطلاع دی۔

اطلاعات اور اشاعت کے سربراہ جمعہ خان نیل نے شنہوا کو بتایا کہ زلزلے میں 8000 سے زیادہ مکانات مکمل یا جزوی طور پر تباہ ہو گئے ہیں، خاص طور پر صوبہ کنڑ میں۔ مرنے والوں اور زخمیوں کے حتمی اعداد و شمار ابھی جاری نہیں کیے گئے ہیں اور راحت اور بچاؤ ٹیمیں ملبے میں پھنسے لوگوں کو نکالنے کا کام کر رہی ہیں۔

غور طلب ہے کہ یہ زلزلہ افغانستان کے مشرقی حصے میں اتوار کی رات 11 بج کر 47 منٹ پر آیا جس کا مرکز ننگرہار صوبے کے صدر مقام جلال آباد سے 27 کلومیٹر شمال مشرق میں سطح سے آٹھ کلومیٹر کی گہرائی میں تھا۔

۔

جموں، 3,500 یاتریوں کی تازہ کھیپ آج جموں کے یاتری نواس بھگوتی نگر بیس کیمپ سے سالانہ یاترا کو جاری رکھتے ہوئے جنوبی کشمیر کے ہمالیہ میں واقع مقدس امرناتھ غار مندر کے لیے روانہ ہوئی۔

عہدیداروں نے کہا، ’’3500 یاتریوں کا تازہ کھیپ جموں کے بیس کیمپ سے آج صبح کشمیر کے شری امرناتھ یاترا کے غار مندر کے لیے سخت حفاظتی انتظامات کے درمیان روانہ ہوا‘‘۔

ان میں سے 832 عازمین پہلگام اور 2668 بالتل روٹ سے روانہ ہوئے۔ یہ زائرین ہلکی اور بھاری موٹر گاڑیوں سمیت 140 گاڑیوں کے قافلے میں سفر کر رہے ہیں۔ 38 روزہ سالانہ یاترا 2 جولائی کو دونوں راستوں سے شروع ہوئی اور 9 اگست کو رکشا بندھن کے تہوار کے ساتھ اختتام پذیر ہوگی۔

اب تک تین لاکھ سے زیادہ عقیدت مند یاترا کر چکے ہیں اور غار مندر کی زیارت کر چکے ہیں۔

ڈھاکہ، بنگلہ دیش میں ڈینگو کے 3,015 نئے معاملے سامنے آئے ہیں اور 21 لوگوں کی موت ہو ئی ہے۔

وزارت صحت کے تحت ڈائریکٹوریٹ جنرل آف ہیلتھ سروسز (ڈی جی ایچ ایس) نے کہا کہ بدھ کو نئے کیسز کی آمد کے ساتھ اس سال اب تک ڈینگو کے مریضوں کی تعداد بڑھ کر 1,76,810 ہو گئی ہے جبکہ مرنے والوں کی تعداد 850 ہے۔

اس سے قبل ڈی جی ایچ ایس نے 2 ستمبر کو 21 مریضوں کی موت کی اطلاع دی تھی۔ ڈی جی ایچ ایس کے اعداد و شمار کے مطابق ستمبر میں اب تک ڈینگو کے 53,002 کیسز رپورٹ ہوئے ہیں، اگست میں 71,976 اور جولائی میں 43,854 کیسز سامنے آئے ہیں۔

ڈی جی ایچ ایس نے کہا کہ ملک میں اس سال اب تک صحت یاب ہونے والے مریضوں کی کل تعداد 1,65,680 ہے جن میں سے گزشتہ 24 گھنٹوں میں 2,833 نئے مریض صحت یاب ہوئے ہیں۔

واضح رہے کہ جون سے ستمبر کے مانسون کے دوران ملک بھر میں ڈینگو بخار کی وبا پھیلی ہوئی ہے۔