ممبئی: عالمی مارکیٹ کے ملے جلے جذبات کے درمیان، مقامی سطح پر اجناس، آئی ٹی، ٹیک، فوکسڈ آئی ٹی اور کنزیومر ڈیریبل سمیت 18 شعبوں میں خرید کی وجہ سے اسٹاک مارکیٹ میں آج مسلسل دوسرے دن تیزی رہی۔
30 شیئرز پر مشتمل بی ایس ای کا حساس انڈیکس سینسیکس 115.39 پوائنٹس بڑھ کر 76,520.38 پوائنٹس اور نیشنل اسٹاک ایکسچینج (این ایس ای) نفٹی 50.00 پوائنٹس کے اضافے سے 23,205.35 پوائنٹس پر پہنچ گیا۔ اس کے علاوہ، بی ایس ای مڈ کیپ 1.78 فیصد چھلانگ لگا کر 43,408.66 پوائنٹس پر بند ہوا اور سمال کیپ 0.67 فیصد بڑھ کر 51,250.29 پوائنٹس پر بند ہوا۔