نئی دہلی: غذائی مصنوعات اور بنیادی اشیاء کی قیمتوں میں اضافے کی وجہ سے اکتوبر 2024 میں تھوک قیمت کے اشاریہ پر مبنی افراط زر بڑھ کر 2.36 فیصد ہو گیا۔ حکومت کی جانب سے جمعرات کو اکتوبر کے مہینے کے تھوک قیمتوں کے انڈیکس کے مطابق اکتوبر میں کھانے پینے کی اشیاء کی ہول سیل قیمتوں میں 11.59 فیصد اور بنیادی اشیاء کی قیمتوں میں سالانہ بنیادوں پر 1.09 فیصد اضافہ ہوا۔ وزارت تجارت و صنعت کے جاری کردہ اعلامیہ کے مطابق اکتوبر کے مہینے میں ایندھن اور توانائی کی ہول سیل قیمتوں میں گزشتہ سال اکتوبر کے مقابلے میں 5.79 فیصد کمی ہوئی جبکہ تیار شدہ مصنوعات کی ہول سیل قیمتوں میں سالانہ بنیادوں پر 1.50 فیصد اضافہ ہوا۔ ستمبر میں تھوک مہنگائی 1.84 فیصد تھی اور اگست میں یہ 1.25 فیصد تھی۔
