بریلی، مرکزی زراعت اور دیہی ترقی کے وزیر شیوراج سنگھ چوہان نے پیر کو کہا کہ سائنسدانوں کی ٹیمیں ملک کے ہر ضلع میں بھیجی جائیں گی جو کسانوں کو جدید زراعت، جدید نسل، تکنیکی کھیتی اور باغبانی کے بارے میں معلومات فراہم کریں گی۔
انڈین ویٹرنری ریسرچ انسٹی ٹیوٹ (آئی وی آر آئی) کی کانووکیشن تقریب سے خطاب کرتے ہوئے انہوں نے کہا کہ سائنس دان اب صرف لیب تک محدود نہیں رہیں گے بلکہ کھیتوں اور کھلیانوں میں جا کر کسانوں سے رابطہ کریں گے۔ انہوں نے واضح کیا کہ تحقیقی مقالے صرف اشاعت کے لیے نہیں ہونے چاہئیں بلکہ کسانوں اور مویشی پالنے والوں کی زندگیوں میں تبدیلی لانا چاہیے۔
