نئی دہلی، وزارت خزانہ کے تحت مالیاتی خدمات کے محکمے نے واضح کیا ہے کہ اس نے غیر فعال پردھان منتری جن دھن یوجنا کھاتوں کو بند کرنے کے بارے میں بینکوں کو کوئی ہدایات نہیں دی ہیں۔
وزارت خزانہ نے منگل کو ایک بیان جاری کیا اور میڈیا میں ان خبروں کی تردید کی جس میں کہا گیا تھا کہ بینکوں کو غیر فعال پردھان منتری جن دھن یوجنا کھاتوں کو بند کرنے کی ہدایت دی گئی ہے۔ محکمہ مالیاتی خدمات نے وضاحت کی ہے کہ اس نے بینکوں کو ایسی کوئی ہدایات نہیں دی ہیں۔
