کولمبو، لیگ اسپن آل راؤنڈر وینندو ہسرنگا کو ایشیا کپ کے لیے سری لنکا کے 16 رکنی اسکواڈ میں منتخب کر لیا گیا ہے۔ ہسرنگا بنگلہ دیش کے خلاف پچھلی سیریز کے دوران ہیمسٹرنگ انجری کا شکار ہو گئے تھے، جس کی وجہ سے وہ زمبابوے کے خلاف آئندہ ٹی ٹوئنٹی سیریز سے باہر ہو گئے تھے، لیکن توقع ہے کہ وہ متحدہ عرب امارات میں ہونے والے مقابلے کے لیے فٹ ہو جائیں گے۔
زمبابوے کے خلاف سیریز کے لیے اعلان کردہ اسکواڈ میں دوشن ہیمانتا کی جگہ ہسرنگا کو شامل کیا گیا ہے، جب کہ ان کیپڈ بلے باز ویشن ہلمبگ کو ٹیم سے باہر کردیا گیا ہے۔
