۔
نئی دہلی: بھارت نے ایودھیا میں رام مندر پر جھنڈا لہرانے کے حوالے سے پاکستان کے تبصرے کو واضح طور پر مسترد کرتے ہوئے کہا ہے کہ اقلیتوں کے ساتھ ناروا سلوک کا پاکستان کا ریکارڈ سب کو معلوم ہے اور اسے بھارت کو اخلاقیات کی تبلیغ کا کوئی حق نہیں ہے۔ بدھ کو یہاں ایک میڈیا بریفنگ میں سوالوں کا جواب دیتے ہوئے، وزارت خارجہ کے ترجمان رندھیر جیسوال نے کہا، "ہم نے پاکستان کے تبصرے دیکھے ہیں اور انہیں اس حقارت کے ساتھ مسترد کیا ہے جس کے وہ حقدار ہیں۔ جبر، تعصب، اور اقلیتوں کے ساتھ منظم ناروا سلوک کا داغدار ملک ہونے کے ناطے، پاکستان کو دوسروں کو تبلیغ کرنے کا کوئی اخلاقی حق نہیں ہے۔"
ترجمان نے کہا کہ پاکستان خالی، منافقانہ خطبات دینے کے بجائے بہتر ہوگا کہ وہ اپنے انسانی حقوق کے خراب ریکارڈ کا جائزہ لے۔ انہوں نے کہا کہ جہاں تک انسانی حقوق کا تعلق ہے تو پاکستان کو خود کا جائزہ لینے کی ضرورت ہے کیونکہ دنیا جانتی ہے کہ پاکستان میں انسانی حقوق کی خلاف ورزیاں ہو رہی ہیں۔
