ممبئی: انرولمنٹ اور فیس میں اضافے کی وجہ سے، ہندوستان کے تعلیمی اداروں کی آمدنی میں رواں مالی سال میں 11 سے 13 فیصد کے درمیان اضافہ متوقع ہے۔ یہ بات مارکیٹ ریسرچ اور کریڈٹ ریٹنگ ایجنسی کرسل کی جانب سے پیر کو جاری کردہ ایک رپورٹ میں کہی گئی۔ آمدنی میں اضافے کے باوجود کمپنیوں کا آپریٹنگ منافع 27-28 فیصد پر مستحکم رہے گا۔ اس کی سب سے بڑی وجہ نئے ملازمین کی بھرتی، ان کی تنخواہیں اور دیگر متعلقہ اخراجات بتائے جاتے ہیں۔
