نئی دہلی: کانگریس کے سابق صدر اور لوک سبھا میں اپوزیشن لیڈر راہل گاندھی نے کہا ہے کہ ٹیکسٹائل انڈسٹری ٹیرف اور چینی اور بنگلہ دیشی مسابقت سے تباہ ہو گئی ہے اور وزیر اعظم نریندر مودی کو اس کا ازالہ کرنا چاہیے۔
مسٹر گاندھی نے امریکی صدر ڈونالڈ ٹرمپ کے محصولات کے اثرات کو دیکھنے کے لئے ایک گارمنٹ ایکسپورٹ فیکٹری کا دورہ کیا اور سچائی کو دیکھنے کے بعد، جمعہ کو سوشل میڈیا پر اس صورتحال کے لئے وزیر اعظم نریندر مودی کو ذمہ دار ٹھہراتے ہوئے لکھا، "مودی جی، آپ جوابدہ ہیں، براہ کرم اس معاملے پر توجہ مبذول کریں۔ ہندوستان کی ٹیکسٹائل انڈسٹری ہماری معیشت میں دوسری سب سے بڑی آجر ہے اور دنیا بھر میں ان کی تعریف کی جاتی ہے۔ آج، اس صنعت کو 50 فیصد امریکی ٹیرف، یورپ میں گرتی ہوئی قیمتوں، اور بنگلہ دیش اور چین سے سخت مسابقت ہر طرف سے ہمارے گارمنٹس اور ٹیکسٹائل کے برآمد کنندگان کو کچل رہی ہے، اس کا اثر براہ راست ملازمتوں پر پڑ رہا ہے کیونکہ فیکٹریاں بند ہو رہی ہیں، خریداری میں کمی ہو رہی ہے، اور ملازمتیں ختم ہو رہی ہیں۔
