نئی دہلی: الیکشن کمیشن نے اتوار کو کہا کہ اب تک 650 کروڑ روپے کی نقدی، شراب اور دیگر اشیاء ضبط کی گئی ہیں تاکہ اس بات کو یقینی بنایا جا سکے کہ مختلف ریاستوں اور مرکز کے زیر انتظام علاقوں میں جاری اسمبلی انتخابات اور ضمنی انتخابات رشوت ستانی اور لالچ سے پاک ہوں۔
اتوار کو جاری کردہ ایک ریلیز کے مطابق، الیکشن کمیشن کی جانب سے مختلف قانون نافذ کرنے والے اداروں کے ذریعے کی گئی کارروائیوں کے دوران، 53.2 کروڑ روپے کی نقدی، 29.64 لاکھ لیٹر شراب جس کی تخمینہ مالیت 79.3 کروڑ روپے ہے، 230 کروڑ روپے کی منشیات، 58 کروڑ روپے کی قیمتی اشیا، اور 21 کروڑ روپے کی مفت چیزیں برآمد کی گئیں۔
