تہران، ایران نے کہا ہے کہ امریکا کے ساتھ جاری مذاکرات میں سب سے بڑا مسئلہ ٹرمپ انتظامیہ کا مسلسل بدلتا اور متضاد موقف ہے جس نے مذاکراتی عمل کو انتہائی پیچیدہ بنا دیا ہے۔ ایرانی وزارت خارجہ کے ترجمان اسماعیل باغائی نے اتوار کے روز تہران میں سی این این کے سینئر بین الاقوامی نامہ نگار فریڈرک پلیٹگن کو بتایا کہ پاکستانی ثالثوں کے ذریعے امریکہ کے ساتھ پیغامات کا تبادلہ اب بھی جاری ہے۔
