سنت کبیر نگر، جگد گرو شنکراچاریہ سوامی ایوی مکتیشورانند سرسوتی نے اتوار کو کہا کہ گائے کے معاملے پر خاموش رہنے والوں کو ہندوتوا کے بارے میں بات نہیں کرنی چاہیے۔
آج خلیل آباد کے آریہ سماج مندر میں اپنے استقبال کے دوران شنکراچاریہ نے ہنومان گڑھی، گائے کے تحفظ اور ہندوتوا سمیت کئی مسائل پر بات کی۔ انہوں نے ایودھیا میں ہنومان گڑھی مندر کی سیڑھیوں پر نماز پڑھے جانے کے دعووں کو بے بنیاد قرار دیتے ہوئے کہا کہ وہاں کی سیڑھیاں ایسی نہیں ہیں کہ ان پر کھڑے ہو کر نماز ادا کی جا سکے۔
