لکھنؤ، سماج وادی پارٹی (ایس پی) کے قومی صدر اور اتر پردیش کے سابق وزیر اعلی اکھلیش یادو نے ریاستی حکومت کو نشانہ بناتے ہوئے کہا کہ اسمبلی کا چار روزہ مانسون اجلاس حکومت کی ترجیحات کی عکاسی کرتا ہے۔ انہوں نے دعویٰ کیا کہ بی جے پی حکومت کے پاس ’’چار دن باقی ہیں‘‘ اس لئے اسمبلی کا اجلاس صرف چار دن رکھا گیا ہے۔
اکھلیش یادو نے اتوار کو پارٹی دفتر میں نامہ نگاروں سے بات کرتے ہوئے یہ باتیں کہیں۔ انہوں نے طنزیہ انداز میں کہا کہ اجلاس کا پہلا دن مرحومین کو خراج عقیدت پیش کرنے میں گزرے گا۔ دوسرے دن، حکومت ایودھیا کے رام مندر میں پرساد کی مبینہ چوری کی ذمہ داری خود سے مرکزی حکومت پر منتقل کرنے کی کوشش کرے گی۔
