نئی دہلی: کانگریس کے صدر ملکارجن کھرگے نے مودی حکومت سے نوجوانوں کے مستقبل، رام مندر کے لیے عطیات اور ملک کی سرحدوں کی حفاظت پر جواب مانگتے ہوئے کہا کہ حکومت کو تینوں محاذوں پر قوم کے سامنے جوابدہی اور شفافیت کو یقینی بنانا چاہیے۔
بدھ کو یہاں پارٹی ہیڈکوارٹر میں پارٹی کے اعلیٰ ترین پالیسی ساز ادارے کانگریس ورکنگ کمیٹی کی میٹنگ کا آغاز کرتے ہوئے مسٹر کھرگے نے کہا کہ نوجوانوں کو تعلیم اور روزگار نہیں مل رہا ہے، رام مندر کے لیے چندہ اور عطیات کے اکاؤنٹس کو عوام کے سامنے ظاہر نہیں کیا جا رہا ہے، اور حکومت کو چاہیے کہ وہ چین کے ساتھ سرحد پر صورتحال کے بارے میں واضح معلومات فراہم کرے۔ انہوں نے کہا کہ کانگریس ورکنگ کمیٹی کو ان مسائل پر سنجیدگی سے غور کرنا چاہیے اور قوم کے سامنے آپشن، پالیسیاں اور حل پیش کرنا چاہیے۔
