نئی دہلی: کانگریس کے جنرل سکریٹری اور پارٹی کے کمیونیکیشن انچارج جے رام رمیش نے پیر کے روز بڑھتی ہوئی مہنگائی، بے روزگاری اور ملازمتوں کی کمی کو لے کر نریندر مودی حکومت کو نشانہ بناتے ہوئے الزام لگایا کہ مہنگائی کے دوہرے دباؤ اور ملازمت کا بحران عام شہریوں اور متوسط طبقے کی مشکلات میں مسلسل اضافہ کر رہا ہے۔
سوشل میڈیا پلیٹ فارم 'X' پر ایک پوسٹ میں مسٹر رمیش نے کہا کہ ملک اس وقت بے روزگاری اور مہنگائی کے دوہرے عذاب سے دوچار ہے۔ انہوں نے کہا کہ برسوں سے ملازمت کرنے والے لوگ بھی اپنی نوکریوں سے ہاتھ دھو رہے ہیں۔
انہوں نے کہا، "آج مودی حکومت میں مہنگائی آسمان کو چھو رہی ہے، ایک طرف بے روزگاری ہے تو دوسری طرف برسوں سے کام کرنے والے لوگ اپنی نوکریوں سے ہاتھ دھو رہے ہیں۔ ساتھ ہی مہنگائی کا بم بھی لگاتار پھٹ رہا ہے۔"
