۔
نئی دہلی: وزیر اعظم نریندر مودی نے ہفتہ کو ایتھوپیا کے وزیر اعظم ڈاکٹر ابی احمد علی کے ساتھ دو طرفہ بات چیت کی اور دفاع اور سیکورٹی سمیت مختلف شعبوں میں پیش رفت کا جائزہ لیا۔
ان مذاکرات کے دوران، جو آج سے شروع ہونے والی دو روزہ برکس سربراہی کانفرنس کے موقع پر ہوئی، دونوں رہنماؤں نے دوطرفہ اسٹریٹجک شراکت داری کو مزید مضبوط بنانے پر تبادلہ خیال کیا۔ دونوں فریقوں نے اقتصادی تعاون، دفاعی اور سیکورٹی پارٹنرشپ اور صلاحیت سازی جیسے اہم شعبوں میں پیش رفت کا بھی جائزہ لیا۔ دو طرفہ بات چیت کے دوران دونوں رہنماؤں نے باہمی اہمیت کے علاقائی اور بین الاقوامی امور پر بھی تبادلہ خیال کیا۔
انہوں نے مختلف کثیرالجہتی فورمز پر مل کر کام کرنے کے عزم کا اعادہ کیا۔ مسٹر مودی نے چوٹی کانفرنس میں ایتھوپیا کی شرکت کی تعریف کی۔ انہوں نے کہا کہ ایتھوپیا کی موجودگی نے گلوبل ساؤتھ (ترقی پذیر ممالک) کی اجتماعی آواز کو مضبوط کرنے میں مدد کی۔
