واشنگٹن۔ امریکی صدر ڈونلڈ ٹرمپ نے کہا ہے کہ امریکا بہت جلد ایران کے بارے میں فیصلہ کرے گا۔ وائٹ ہاؤس کے باہر صحافیوں سے بات کرتے ہوئے انہوں نے ایران کی معیشت کو نشانہ بناتے ہوئے اسے ایک ناکام ملک قرار دیا۔
ٹرمپ نے دعویٰ کیا کہ ایران کی معیشت شدید مشکلات کا شکار ہے، افراط زر 300 فیصد تک پہنچ گیا ہے۔ انہوں نے کہا کہ ایران کے پاس پیسے نہیں ہیں اور وہ اپنے فوجیوں اور دیگر کو ادائیگی کرنے سے قاصر ہے۔
ٹرمپ کا یہ بیان ایک ایسے وقت میں سامنے آیا ہے جب میڈیا رپورٹس میں 27 اکتوبر کو ہونے والے اسرائیلی انتخابات اور 3 نومبر کو ہونے والے امریکی وسط مدتی انتخابات سے قبل ایران کے خلاف نئے سرے سے فوجی کارروائی کے امکان پر بات ہو رہی ہے۔
قابل ذکر ہے کہ ٹرمپ اس سے قبل ایران کے بارے میں جلد ہی بڑا فیصلہ کرنے کی بات کہہ چکے ہیں لیکن اس طرح کے بیانات سے کوئی نیا بڑا حملہ نہیں ہوا ہے۔ گزشتہ ہفتے انہوں نے کہا تھا کہ امریکہ وسط مدتی انتخابات سے قبل ایران پر حملہ نہیں کرے گا۔
