نئی دہلی۔ مرکزی حکومت کے ملازمین اور پنشنرز کو دیوالی کا تحفہ ملا ہے۔ حکومت نے ان کے مہنگائی الاؤنس (DA) اور مہنگائی ریلیف (DR) میں 3 فیصد اضافہ کیا ہے۔ اضافے کا اطلاق رواں سال یکم جولائی سے ہوگا۔ وزیر اعظم نریندر مودی کی صدارت میں مرکزی کابینہ نے آج اس تجویز کو منظوری دی۔
مرکزی وزیر اشونی وشنو نے نیشنل میڈیا سنٹر میں ایک پریس کانفرنس کے دوران یہ اعلان کیا۔ انہوں نے کہا کہ اس سے 48.54 لاکھ ملازمین اور 68.71 لاکھ پنشنرز کو فائدہ ہوگا۔ اس کے نتیجے میں سرکاری خزانے پر سالانہ 10,016.10 کروڑ روپے کا اضافی بوجھ پڑے گا۔
وشنو نے کہا، "وزیر اعظم کا 48 لاکھ مرکزی حکومت کے ملازمین اور 68 لاکھ پنشنروں کو دیوالی کا تحفہ مہنگائی الاؤنس (DA) اور مہنگائی ریلیف (DR) میں اضافہ ہے۔"
