نئی دہلی، مرکزی محنت اور روزگار کے وزیر منسکھ منڈاویہ نے بے قابو بے روزگاری کے کانگریس کے الزام کو مسترد کرتے ہوئے جمعرات کو کہا کہ وزیر اعظم نریندر مودی کے تیسرے دور حکومت میں اب تک 60 ہزار سے زیادہ نوجوانوں کو سرکاری ملازمتوں کے لیے تقرری خط جاری کیے جا چکے ہیں۔ . جناب منڈاویہ نے یہاں نامہ نگاروں کو بتایا کہ مودی حکومت کی تیسری میعاد میں روزگار کے نئے مواقع پیدا کرنے پر خصوصی زور دیا جا رہا ہے۔ حکومت کے قیام کے بعد نومبر کے پہلے ہفتے تک 60 ہزار سے زائد نوجوانوں کو سرکاری نوکریاں مل چکی ہیں۔ نوجوانوں کو یہ نوکریاں مرکزی وزارتوں اور محکموں میں دستیاب کرائی گئی ہیں۔ انہوں نے کہا کہ ایمپلائز پراویڈنٹ فنڈ آرگنائزیشن (ای پی ایف او) اور ایمپلائز اسٹیٹ انشورنس کارپوریشن (ای ایس آئی سی) میں سرکاری ملازمتوں کے لیے 4300 نوجوانوں کو بھرتی کیا گیا ہے۔ اس کے علاوہ 5000 سے زائد آسامیوں پر بھرتی کا عمل جاری ہے۔
