نئی دہلی: عام آدمی پارٹی کے سینئر رہنما اور قائد حزب اختلاف آتشی نے بھارتیہ جنتا پارٹی (بی جے پی) کو وزیر اعظم نریندر مودی کی ضمانت کی یاد دلائی اور پوچھا کہ بی جے پی کی 'وپادا' حکومت خواتین کو ماہانہ 2500 روپے دینے کا اپنا وعدہ کب پورا کرے گی؟ محترمہ آتشی نے جمعرات کو ایک پریس کانفرنس میں کہا کہ بی جے پی حکومت نے 20 فروری کو دہلی میں حلف لیا۔ آج بی جے پی حکومت کو بنے ایک مہینہ ہو گیا ہے۔ ایک ماہ گزرنے کے باوجود بی جے پی اور وزیر اعظم نے دہلی کی خواتین سے جو وعدہ کیا تھا وہ پورا نہیں ہوا۔ بی جے پی اور وزیر اعظم نے وعدہ کیا تھا کہ دہلی کی خواتین کے کھاتوں میں 2500 روپے کی رقم جمع کرائی جائے گی، لیکن یہ وعدہ ایک ماہ گزرنے کے بعد بھی پورا نہیں ہوا۔
