نئی دہلی، وزیر اعظم نریندر مودی کے ذات پات کی مردم شماری کرانے کے اعلان پر کانگریس نے کہا ہے کہ اس معاملے پر اب تک خاموش رہنے والے وزیر اعظم نے اچانک یہ اعلان کر کے سب کو حیران کر دیا ہے، لیکن شہ سرخیوں کے ماہر مسٹر مودی کو اس کی آخری تاریخ بھی بتانا ہو گی۔ کانگریس کمیونیکیشن ڈپارٹمنٹ کے انچارج جے رام رمیش نے جمعرات کو یہاں پارٹی ہیڈکوارٹر میں نامہ نگاروں کو بتایا کہ پارٹی لیڈر راہل گاندھی نے کل کانگریس کے سماجی انصاف اور سماجی بااختیار بنانے کے ایجنڈے سے سب کو واقف کرایا تھا۔ انہوں نے حکومت کے اس فیصلے کی حمایت کی، لیکن یہ بھی کہا کہ مسٹر مودی نے ذات پات کی مردم شماری کی سرخی تو دی ہے لیکن اس میں کوئی آخری تاریخ نہیں دی ہے۔ شہ سرخیاں حاصل کرنے میں مسٹر مودی کی مہارت کو دیکھ کر مسٹر گاندھی نے حکومت سے مطالبہ کیا ہے کہ وہ ذات پات کی مردم شماری کے لئے ایک مکمل روڈ میپ پیش کرے۔
-logo.jpg){kind=logo}
