نئی دہلی: لوک سبھا میں قائد حزب اختلاف اور کانگریس کے سابق صدر راہل گاندھی نے ہفتہ کو کہا کہ بھارتیہ جنتا پارٹی (بی جے پی) جس نے ہمیشہ ذات پات کی مردم شماری کو تقسیم قرار دیا ہے، کانگریس کے دباؤ میں اس مردم شماری کو کرانے کا فیصلہ لینے پر مجبور ہوئی ہے۔ مسٹر گاندھی نے کہا، "بی جے پی نے ذات پات کی مردم شماری کو تفرقہ انگیز کہا۔ میں نے اسے سچائی اور انصاف کہا۔ ہم برسوں سے اس کے لیے لڑ رہے ہیں - کیونکہ ہندوستان ترقی نہیں کر سکتا اگر اس کے 90 فیصد لوگوں کو باہر رکھا جائے۔
