لیڈز، رشبھ پنت نے انگلینڈ کے خلاف ہیڈنگلے میں شاندار سنچری بنا کر ایک بار پھر ریکارڈ بک میں اپنا نام درج کر لیا ہے۔ یہ چوتھا موقع ہے کہ ایشیا سے باہر تین ہندوستانی بلے بازوں نے ایک ہی ٹیسٹ اننگز میں سنچریاں بنائیں۔ پنت نے اپنے ٹریڈ مارک انداز میں شعیب بشیر کی گیند پر ایک ہاتھ سے چھکا لگا کر ناقابل شکست سنچری بنائی، اس سے قبل نوجوان اوپنر یاشاسوی جیسوال اور کپتان شبمن گل نے شاندار سنچریاں اسکور کیں۔ یہ تینوں سنچریاں بیرون ملک ہندوستانی ٹیسٹ کرکٹ کے لیے ایک نادر اور منفرد کامیابی ہے۔
