کیو ہیل، کپتان ہیلی میتھیوز (ایک وکٹ/63 ناٹ آؤٹ) کی آل راؤنڈ کارکردگی کی بنیاد پر ویسٹ انڈیز کی خواتین ٹیم نے دوسرے ٹی ٹوئنٹی میچ میں جنوبی افریقہ کو چار گیندیں باقی رہ کر چھ وکٹوں سے شکست دے دی۔ اس جیت کے ساتھ ہی ویسٹ انڈیز نے تین میچوں کی سیریز 1-1 سے برابر کر دی ہے۔
اتوار کی شب کھیلے گئے میچ میں ویسٹ انڈیز کی خواتین ٹیم نے ٹاس جیت کر پہلے گیند بازی کا فیصلہ کیا۔ جنوبی افریقہ کی بیٹنگ کے دوران شروعات خراب رہی اور اس کے بلے باز ویسٹ انڈیز کے باؤلنگ اٹیک کے خلاف آزادی سے نہیں کھیل سکے اور وقفے وقفے سے وکٹیں گنواتے رہے۔ جنوبی افریقہ نے مقررہ 20 اوورز میں چھ وکٹوں پر 113 رنز بنائے جس میں اینری ڈارکسن (21 ناٹ آؤٹ)، ناڈائن ڈی کلرک (20)، کپتان لورا وولفارٹ (16)، کارابو میسو (ناٹ آؤٹ 14)، تیجمن برٹس (14) کی شاندار اننگز تھی۔ ویسٹ انڈیز کی جانب سے ایفی فلیچر اور کرشمہ رامہائیرک نے دو دو وکٹیں حاصل کیں۔ جے کلاکسٹن اور ہیلی میتھیوز نے ایک ایک وکٹ حاصل کی۔
