نئی دہلی، کانگریس کے سابق صدر اور لوک سبھا میں قائد حزب اختلاف راہول گاندھی نے کہا ہے کہ ملک میں بڑے پیمانے پر پرچے لیک ہو رہے ہیں اور جب امیدوار سینکڑوں کلومیٹر کا سفر طے کر کے امتحانی مرکز پہنچتے ہیں تو انہیں امتحانات کی منسوخی کی خبر ملتی ہے، جس سے نوجوانوں کو مایوسی ہوتی ہے، لیکن مودی حکومت اس ناکامی کے نظام کو توڑنے میں ناکام ثابت ہو رہی ہے۔
مسٹر گاندھی نے کہا کہ حیرت کی بات ہے کہ مودی حکومت امتحانات میں شفافیت کی بات کرتی ہے لیکن پرچہ لیک ہونے کے واقعات پورے ملک میں بڑے پیمانے پر ہو رہے ہیں اور حکومت مافیا پر لگام لگانے میں پوری طرح سے ناکام رہی ہے۔
