نئی دہلی، وزیر اعظم نریندر مودی نے منگل کو اپوزیشن جماعتوں سے اپیل کی کہ وہ نائب صدر کے انتخاب میں نیشنل ڈیموکریٹک الائنس (این ڈی اے) کے امیدوار سی پی رادھا کرشنن کی حمایت کریں۔
یہاں پارلیمنٹ ہاؤس کے آڈیٹوریم میں منعقدہ این ڈی اے کے اراکین پارلیمنٹ کی میٹنگ میں مسٹر مودی نے تمام اپوزیشن جماعتوں سے مسٹر رادھا کرشنن کے لئے حمایت مانگی اور انہیں متفقہ طور پر منتخب کرنے کی اپیل کی۔ اس میں این ڈی اے کے تمام حلقوں کے ارکان پارلیمنٹ کو مدعو کیا گیا تھا۔
