۔
ممبئی، ایشیائی بازاروں سے ملے جلے اشاروں کے درمیان جمعرات کو گھریلو اسٹاک مارکیٹوں میں گراوٹ جاری رہی۔
30 شیئرز پر مشتمل بی ایس ای کا حساس انڈیکس سینسیکس 39.88 پوائنٹس گر کر 80,754.66 پر کھلا اور 693.02 پوائنٹس گر کر 80,093.52 پر آگیا۔ خبر لکھنے کے وقت یہ کچھ بہتری کے ساتھ 431.63 پوائنٹس (0.53 فیصد) گر کر 80,354.91 پر تھا۔
نیشنل اسٹاک ایکسچینج کا نفٹی 50 انڈیکس بھی 16.25 پوائنٹس کی کمی کے ساتھ 24,695.80 پر کھلا۔ خبر لکھنے کے وقت یہ بھی 119.60 پوائنٹس یا 0.48 فیصد گر کر 24,592.45 پر تھا۔
آئی ٹی، ہیلتھ، فارما، بینکنگ، رئیلٹی، میٹل آٹو سمیت تقریباً تمام شعبوں کی کمپنیوں کے حصص میں فروخت ہوئی۔ صرف پائیدار کنزیومر پروڈکٹ گروپ انڈیکس ہی سبز رنگ میں ٹریڈ کر رہا تھا۔
امریکہ کی جانب سے ہندوستانی مصنوعات پر درآمدی ڈیوٹی میں بدھ سے 25 فیصد اضافہ کرنے کا اثر مقامی اسٹاک مارکیٹوں پر دیکھا جا رہا ہے۔
سرمایہ کار 20 کمپنیوں کے حصص بیچ رہے ہیں جن میں ایچ ڈی ایف سی بینک، انفوسس، آئی سی آئی سی آئی بینک، ٹی سی ایس، ایچ سی ایل ٹیکنالوجیز، سن فارما، مہندرا اینڈ مہندرا، ایئرٹیل اور ٹاٹا موٹرز شامل ہیں۔ ایٹرنل، ایل اینڈ ٹی، اڈانی پورٹس اور ایشین پینٹس سمیت 10 کمپنیوں میں خریداری جاری ہے۔
