بنگلورو، ہندوستان کا گگنیان پروگرام تیزی سے آگے بڑھ رہا ہے۔ اس پروگرام کا مقصد ہندوستانی خلابازوں کو خلا میں بھیجنا اور انہیں بحفاظت زمین پر واپس لانا ہے۔ انڈین اسپیس ریسرچ آرگنائزیشن (اسرو) کے چیئرمین وی نارائنن نے جمعہ کو اعلان کیا کہ ہندوستان کا پہلا انسان بردار مشن 2027 کی آخری سہ ماہی میں طے شدہ ہے۔
بنگلورو میں ہائیڈروجن فیول نیشنل ورکشاپ کے افتتاح کے دوران میڈیا سے بات کرتے ہوئے انہوں نے کہا کہ اس پروگرام سے متعلق تقریباً 80 تا 85 فیصد کام پہلے ہی مکمل ہو چکا ہے۔
مسٹر نارائنن نے کہا، "پہلا بغیر پائلٹ کے مشن کا اس سال دسمبر میں شیڈول ہے۔ ہم خلائی جہاز کے نظام کو جانچنے کے لیے انسانوں کے بجائے ایک انسان نما مخلوق بھیجیں گے۔ اس کے بعد دو اور بغیر پائلٹ کے مشن ہوں گے، جس کے بعد، عزت مآب وزیر اعظم ہند کی ہدایت کے مطابق، ہم 2027 کی پہلی سہ ماہی میں پہلی انسان بردار پرواز کا منصوبہ بنا رہے ہیں۔"
