نئی دہلی: ہندوستان اور چار ممالک پر مشتمل یورپی فری ٹریڈ ایسوسی ایشن (ای ایف ٹی اے) کے درمیان آزاد تجارتی معاہدہ (ایف ٹی اے) یکم اکتوبر سے نافذ العمل ہوگا۔ اسے پچھلے سال حتمی شکل دی گئی تھی، اور ہندوستان اب کئی دوسرے ترقی یافتہ ممالک کے ساتھ اسی طرح کے معاہدوں پر بات چیت کر رہا ہے۔
مرکزی تجارت اور صنعت کے وزیر پیوش گوئل نے پیر کو یہ معلومات دیتے ہوئے کہا کہ بہت سے ترقی یافتہ ممالک ہندوستان کے ساتھ آزاد تجارتی معاہدے (FTAs) پر دستخط کرنے میں دلچسپی رکھتے ہیں۔ ہندوستان پہلے ہی متحدہ عرب امارات (یو اے ای)، آسٹریلیا اور برطانیہ کے ساتھ اس طرح کے معاہدوں پر دستخط کر چکا ہے اور کئی دوسرے ممالک کے ساتھ بات چیت جاری ہے۔ مسٹر گوئل گریٹر نوئیڈا کے بین الاقوامی نمائش مرکز میں منعقدہ پانچ روزہ اتر پردیش بین الاقوامی تجارتی میلے کے اختتامی اجلاس سے خطاب کر رہے تھے۔
