ممبئی: آئی ٹی اور ایف ایم سی جی کمپنیوں کے دباؤ کی وجہ سے پیر کو گھریلو اسٹاک مارکیٹیں گر گئیں۔
30 شیئرز پر مشتمل بی ایس ای سینسیکس ہفتے کے پہلے دن 173.77 پوائنٹس (0.21%) گر کر 82,327.05 پر بند ہوا۔ انڈیکس، جو گزشتہ دو کاروباری دنوں میں سبز رنگ میں بند ہوا تھا، آج 450 سے زائد پوائنٹس کی کمی کے ساتھ کھلا لیکن بعد میں کچھ سنبھلنے میں کامیاب ہوا۔
نیشنل اسٹاک ایکسچینج (این ایس ای) نفٹی 50 انڈیکس بھی 58 پوائنٹس یا 0.23 فیصد گر کر 25,227.35 پر بند ہوا۔ این ایس ای پر جن 3,202 کمپنیوں کے حصص کا کاروبار ہوا ان میں سے 1,118 سبز، 1,974 سرخ رنگ میں بند ہوئے جبکہ 109 میں کوئی تبدیلی نہیں ہوئی۔
آئی ٹی، ایف ایم سی جی، کنزیومر ڈیوربلز، میٹلز اور آئل اینڈ گیس سیکٹرز میں فروخت کا دباؤ رہا جبکہ بینکنگ اور فنانشل سیکٹر کے اسٹاکس میں خرید کا دباؤ دیکھا گیا۔
