نئی دہلی: سپریم کورٹ نے 2020 شمال مشرقی دہلی فسادات سے متعلق سازش کیس میں عمر خالد، شرجیل امام، گلفشہ فاطمہ، اور تین دیگر ملزمان کی ضمانت کی درخواستوں کا جواب داخل کرنے میں دہلی پولیس کی ناکامی پر سخت برہمی کا اظہار کیا ہے۔
پیر کو، جسٹس اروند کمار اور این وی انجاریا کی بنچ نے تاخیر کے لیے دہلی پولیس کی سرزنش کرتے ہوئے کہا کہ دہلی پولیس کو جواب دینے کے لیے کافی وقت دیا گیا تھا اور پہلے ہی مطلع کیا گیا تھا کہ اس معاملے کو آج ہی نمٹا دیا جائے گا۔
