ماسکو: سوشل نیٹ ورک ریڈٹ نے جمعہ کو آسٹریلیا اور اس کی وزیر مواصلات، انیکا ویلز کے خلاف آسٹریلیائی ہائی کورٹ میں ایک مقدمہ دائر کیا، جس میں 16 سال سے کم عمر افراد کے لیے سوشل میڈیا تک رسائی پر پابندی کے قوانین کو ختم کرنے کی کوشش کی گئی۔
9 دسمبر کو آسٹریلیا نے 16 سال سے کم عمر کے لوگوں پر انسٹاگرام، فیس بک، تھریڈز، اسنیپ چیٹ، ٹِک ٹاک، ایکس، یوٹیوب، ریڈٹ، کِک اور ٹوِچ سمیت سوشل میڈیا پلیٹ فارم استعمال کرنے پر پابندی لگا دی۔ سوشل میڈیا کمپنیاں جو 16 سال سے کم عمر نوجوانوں کے اکاؤنٹس کو ہٹانے میں ناکام رہتی ہیں انہیں 49.5 ملین آسٹریلوی ڈالر (تقریباً 298 کروڑ روپے) تک کے جرمانے کا سامنا کرنا پڑ سکتا ہے۔
