لکھنؤ، سماج وادی پارٹی (ایس پی) کے قومی صدر اکھلیش یادو نے کہا کہ اتر پردیش میں بدعنوانی عروج پر ہے اور لاء اینڈ آرڈر پوری طرح سے تباہ ہوچکا ہے۔
کھانسی کے شربت کیس کو ایک بڑا گھوٹالہ قرار دیتے ہوئے انہوں نے کہا کہ زہریلے سیرپ کی وجہ سے بہت سے لوگوں کی موت ہوئی، لیکن حکومت ملزمان کو بچانے میں مصروف ہے۔ انہوں نے الزام لگایا کہ تقریباً 700 شیل کمپنیوں کے ذریعے ہزاروں کروڑ روپے کا غیر قانونی کاروبار کیا گیا، اس کے باوجود کوئی کارروائی نہیں کی گئی۔ اہلکار اس قدر خوفزدہ ہیں کہ ملزمان کے گھروں کی قیمتوں کا تعین بھی نہیں کیا جا رہا۔
