کوالالمپور: دو بار کی اولمپک تمغہ جیتنے والی پی وی سندھو نے جمعرات کو جاپان کی آٹھویں سیڈ ٹوموکا میازاکی کو شکست دے کر سپر 1000 ایونٹ ملائیشیا اوپن کے کوارٹر فائنل میں جگہ بنالی۔ چراغ شیٹی اور ستوک سائراج رینکیریڈی بھی ڈبلز کوارٹر فائنل میں پہنچ گئے، جبکہ لکشیا سین مردوں کے سنگلز پری کوارٹر فائنل میں سیدھے گیمز میں ہارنے کے بعد ٹورنامنٹ سے باہر ہو گئے۔
آج یہاں اسٹیڈیم ایکسیاٹا ایرینا میں کھیلے گئے میچ میں سابق عالمی چمپئن سندھو نے پہلا گیم 21-8 سے جیتا اور دوسرے گیم میں بھی اسی رفتار کو برقرار رکھتے ہوئے میچ 21-13 سے جیت لیا۔ یہ عالمی نمبر 18 پی وی سندھو کی ٹوموکا میازاکی کے خلاف تین میچوں میں دوسری جیت تھی۔
