۔
نئی دہلی: لوک سبھا نے منگل کو صوتی ووٹ سے ایک تحریک منظور کی، جس میں آٹھ اراکین کی معطلی کو فوری اثر سے منسوخ کر دیا گیا۔
اپوزیشن کے زوردار دباؤ کے بعد پارلیمانی امور کے وزیر کرن رجیجو نے ایوان میں تحریک پیش کی جسے صوتی ووٹ سے منظور کر لیا گیا۔
بجٹ اجلاس کے پہلے مرحلے میں صدر کے خطاب کے دوران قائد حزب اختلاف راہول گاندھی کی تقریر کے بعد ہنگامہ کرنے اور اسپیکر پر کاغذات پھینکنے پر ان اراکین کو پورے اجلاس کے لیے معطل کر دیا گیا تھا۔
معطل ارکان میں کانگریس کے سات ارکان پارلیمنٹ اور مدورائی سے کمیونسٹ پارٹی آف انڈیا (مارکسسٹ) کا ایک رکن پارلیمنٹ شامل ہے۔
جن اراکین کی معطلی کو لوک سبھا نے آج منسوخ کیا ہے ان میں ہیبی ایڈن، امریندر سنگھ راجہ وارنگ، مانیکم ٹیگور، گرجیت سنگھ اوجلا، کرن کمار ریڈی، پرشانت پاڈول، ایس وینکٹیسن، اور ڈین کوریاکوس شامل ہیں۔
اس سلسلے میں تمام پارٹیوں کے لیڈروں نے پیر کو لوک سبھا اسپیکر اوم برلا سے ملاقات کی تھی۔
