تھائی لینڈ کے صوبے ناکھون رتچاسیما میں بدھ کے روز ایک مسافر ٹرین کے کرین سے ٹکرانے سے کم از کم 22 افراد ہلاک اور 55 زخمی ہو گئے۔
مقامی میڈیا رپورٹس کے مطابق حادثہ مقامی وقت کے مطابق صبح 9 بج کر 5 منٹ پر اس وقت پیش آیا جب بنکاک سے اوبون رتچاتھانی جانے والی مسافر ٹرین ایک تعمیراتی کرین سے ٹکرانے کے بعد پٹری سے اتر گئی۔ ایمرجنسی ریسکیو ٹیمیں فوری طور پر جائے وقوعہ پر پہنچیں اور ہائیڈرولک کٹنگ ٹولز کے ذریعے ملبے تلے پھنسے مسافروں کو نکالنا شروع کر دیا۔ زخمی مسافروں کو علاج کے لیے قریبی اسپتالوں میں منتقل کر دیا گیا۔
