نئی دہلی: وزیر اعظم نریندر مودی نے کہا ہے کہ ترقیاتی شراکت داری ہندوستان اور سیشلز تعلقات کی مضبوط بنیاد رہی ہے اور اس کو آگے بڑھاتے ہوئے ہندوستان نے سیشلز کی ضروریات کو پورا کرنے کے لیے 175 ملین ڈالر کے خصوصی اقتصادی پیکیج کا اعلان کیا ہے۔
مسٹر مودی نے سیشلز کے دورے پر آئے صدر ڈاکٹر پیٹرک ہرمنی کے ساتھ وسیع بات چیت کے بعد پیر کو یہاں ایک مشترکہ بیان میں اس اقتصادی پیکیج کا اعلان کیا۔
انہوں نے کہا، "ترقیاتی شراکت داری ہندوستان اور سیشلز کے تعلقات کی ایک مضبوط بنیاد رہی ہے۔ ہماری تمام کوششیں سیشلز کی ترجیحات اور ضروریات پر مبنی ہیں۔ اس سمت میں آگے بڑھتے ہوئے، آج ہم $175 ملین کے خصوصی اقتصادی پیکیج کا اعلان کر رہے ہیں۔"
انہوں نے کہا کہ یہ پیکج ہاؤسنگ، ای-موبلٹی، ووکیشنل ٹریننگ، صحت، دفاع اور میری ٹائم سیکیورٹی جیسے شعبوں میں ٹھوس منصوبوں کی حمایت کرے گا۔
