۔
نئی دہلی: راجیہ سبھا کی 37 خالی نشستوں کے لیے انتخابات 16 مارچ کو ہوں گے۔
بدھ کو الیکشن کمیشن کی طرف سے جاری انتخابی شیڈول کے مطابق 10 ریاستوں سے منتخب ہونے والے 37 راجیہ سبھا ممبران کی میعاد اپریل میں ختم ہو جائے گی۔ ان 37 سیٹوں کے لیے دو سالہ انتخابات ہوں گے۔
ان انتخابات کا نوٹیفکیشن 26 فروری کو جاری کیا جائے گا۔ کاغذات نامزدگی 5 مارچ تک داخل کیے جاسکتے ہیں۔ 6 مارچ کو ان کی جانچ پڑتال کی جائے گی۔ کاغذات نامزدگی واپس لینے کی آخری تاریخ 9 مارچ ہے۔ ان نشستوں کے لیے ووٹنگ 16 مارچ کو ہوگی، اور اسی دن ووٹوں کی گنتی ہوگی۔
انتخابی عمل 20 مارچ تک مکمل ہو جائے گا۔
