نئی دہلی: بین الاقوامی سطح پر خام تیل اور گیس کی قیمتوں میں تیزی سے اضافہ اور ڈالر کے مقابلے روپے کی مسلسل گراوٹ کی وجہ سے آئل مارکیٹنگ کمپنیوں نے ہفتہ سے کھانا پکانے والی گیس (ایل پی جی) کی قیمت میں اضافہ کر دیا ہے۔
ملک کی سب سے بڑی آئل مارکیٹنگ کمپنی انڈین آئل کارپوریشن کی ویب سائٹ کے مطابق آج سے 14.2 کلو کے گھریلو ایل پی جی سلنڈر کی قیمت میں 60 روپے کا اضافہ کیا گیا ہے، جب کہ 19 کلو کا کمرشل ایل پی جی سلنڈر 114.50 روپے مہنگا ہو گیا ہے۔
