گورکھپور، اتر پردیش - وزیر اعلی یوگی آدتیہ ناتھ نے گورکھپور کے اپنے مسلسل دوسرے دورے کے دوران، جمعہ کی صبح گورکھناتھ مندر میں منعقد جنتا درشن میں مختلف اضلاع کے لوگوں سے ملاقات کی، ان کے مسائل سنے، اور اعلان کیا کہ غنڈہ گردی کو برداشت نہیں کیا جائے گا۔ اس دوران بعض طاقتور افراد کی جانب سے کمزور لوگوں کو ڈرانے دھمکانے کی شکایات موصول ہونے پر وزیر اعلیٰ نے پولیس افسران سے دو ٹوک الفاظ میں کہا کہ غنڈہ گردی برداشت نہیں کی جائے گی، ایسے عناصر کے خلاف فوری طور پر سخت کارروائی کی جائے، اگر کوئی ملزم ضمانت پر رہا ہونے کے بعد مدعی کو دھمکیاں دے رہا ہے تو اس کی ضمانت منسوخی کے لیے کارروائی کی جائے۔
