۔
نوئیڈا، وزیر اعظم نریندر مودی نے ہفتہ کو اتر پردیش کے جیور میں نوئیڈا بین الاقوامی ہوائی اڈے کے پہلے مرحلے کا افتتاح کیا۔
یہ دہلی-این سی آر میں دوسرا بین الاقوامی ہوائی اڈہ ہے۔ یہ مستقبل میں دہلی کے اندرا گاندھی بین الاقوامی ہوائی اڈے پر بوجھ کو کم کرے گا اور مغربی اتر پردیش کی ترقی میں اہم کردار ادا کرے گا۔ فی الحال ہوائی اڈے کے صرف پہلے مرحلے کا افتتاح ہوا ہے۔
مسٹر مودی نے ریموٹ بٹن دبا کر ہوائی اڈے کے ٹرمینل کی عمارت اور کارگو ہب کا افتتاح کیا۔ انہوں نے دیکھ بھال، مرمت اور اوور ہالنگ (MRO) سہولت کا سنگ بنیاد بھی رکھا۔
افتتاح سے پہلے مسٹر مودی نے نوئیڈا بین الاقوامی ہوائی اڈے کی ٹرمینل عمارت کا معائنہ کیا۔ ان کے ساتھ اتر پردیش کی گورنر آنندی بین پٹیل، مرکزی شہری ہوابازی کے وزیر کنجراپو رام موہن نائیڈو، اتر پردیش کے وزیر اعلی یوگی آدتیہ ناتھ، اور بی جے پی کے ریاستی صدر اور مرکزی وزیر پنکج چودھری بھی تھے۔
